شن رايكم في عودة اليهود ؟؟

اول شي سلامات عليكم لاني ميته ارياف علي المنتدي وأعضائه

نبي أنرد علي الموضوع من وجهة نظري أنا يعني رأي:ليبيا بلاد الجميع عرب أو أمازيغ وتسع للكل مسلمين ويهود فمتخلوناش أنانيين ونبوا البلاد تقعد لنا نحنا بس ومش ممكن حد ينكر انه كان في يهود علي الارض الليبية ولهم حقات زي ما للباقي حق عشان هكي لازم يفكر الواحد قبل ما يقول رأيه وهو مش فاهم شي مع احترامي للجميع أنا نعرف ان اليهود كانوا في البلاد ووبيعهم معمر أرضيهم ومساكنهم وطردهم برة البلاد يعني لما يطلع معمر وتحرر ليبيا بالكامل لازم كل واحد ايردله حقه لو كنا صح نبوها دولة ابلقانون والعدل والمساوة زي ما نقولوا طبعا ما ننساش اني ما نرضاش بدخول يهودي يحمل الجنسية الاسرائيلية والله يناصر القضية الاسرائيلية لان في هذه الحاله نكونوا دخلنا بلادنا صهاينة ولازم اتكون عندنا ثقافة الفصل ان اليهوديه هي ديانه يعني مرات تلقي حد يهودي بس جاي ضد الصهيونية ويدعم في القضية الفلسطينية زي يهود ليبيا في بريطانيا وفي جمعية يهوديه في امريكا نفس الشي ضد الصهيونية ومع القضية الفلسطينية ويهود ليبيا اكيد ايحبوا ليبيا زي ما يحبوها المسلمين وما ننسوش ان لازم علي المجلس والمكتب او الحكومة اللي بعدين نبوا انديروها بعد اتحرر البلاد تحط شروط علي اليهود اللي يبوا ايخشوا ليبيا انهم ما تكونش لهم علاقات مع اسرائيل وان شاء الله خير بس قصة المظاهرات والعياط والشياط مش حلوة وفيها جرح لليهود في العالم وهنا نقصد اليهودي ديانة ومش الاسرائيلي وراكم تنسوا ان مش كل يهودي اسرائيلي باهي

اول حاجة انا بنوتة مش ولد

ثاني شي عشان ما نطلعش كذابة انا عمري في حياتي ما قريت علي يهود ليبيا شي لا في كتاب لا في نت وبالتالي معلوماتي عليهم وخذتها من الاهل والاصحاب وحتي المجلات القديمة وانا انحس انه انت ما شاء الله عليك عندك معلومات واجدة لو انت قريهن ومتاكد منهن انا نبي نطلب منك تعطيني اسم كتاب او موقع ممكن نستفيد منه علخاطر نعرف اكثر

بس برضو عند رأي ان ليبيا تسدنا كلنا بس بضوابط وشروط وبصراحة انا طول عمري ومن دون كذب ما قلت زي ما نسمع مرات ومرات من صحباتي كلمة اليهودي المعفن والله خزي يهودي لاني تعلمت ان هذين كلهن اديان سماويه ولازم علينا ان نحترموا كل الاديان فمثلا انا ما نحبش ينقال عليا شي لاني مسلمة والكلام هذا حتي علي باقي الاديان السماوية وبعدين نحنا كيف نبوا ندعوا للاسلام ونحبوا الناس فيه ونحنا عنصرين

بس بيني وبينك الشعب الليبي له 42 وهو منغلق علي نفسه وما يعرف يتعامل مع باقي الديانات يعني ما زال بدري علي ردتهم لليبيا حتي الناس يعرفوا كل شي عليهم في الاول ونعرفوا اللي لهم واللي عليهم وبعدين الشب ايقرر بس اهم شي لا ننبذهم لانهم يهود

[b]

لاااااااااااااااااااااااا والف لا لليهود انشالله حتى كانت ليبيا مسقط راسه مانبوش وجوهم ابدا

المهم اليهود لا ممكن كان اتراك انفكروا فالموضوع بالك نلقوا راى