خيانه البنات للعشره قصه تبكي الحجر

السلام عليكم:-
أنجو من الأخير وأنجيبو الزبدة معانا وباش منعطلوش عليكم أنخشو فى الموضوع طول بدون مقدمات.

فيه ولد حب بنت من أيمات الآعدادى وأنى حاضر الأيامات امتع زمان لما حتى قريب مات على خاطرها .
المهم توا هيا تقرى فى الكلية ومش لازم أى كلية وهو أتخرج وأبدى يخدم يعنى شوفو علاقة الحب من امتى لآمتى .
ألمهم أحنى شارعنا كلهم يعرفو العلاقة هده لآنه حب البنت بكل صدق ومدارش شى يغضب ألله سبحانه وتعالى (( حب طاهر)).
المهم فيه واحد من قبيلة البنت أنعجب بيها لما أللقاها فى أحدى المناسبات العائلية .
وتبو الحق الولد هدا بوه فلوسه متقدرش تحرقهم الناس (( مشاء الله ربي أيزيد وأيبارك)).
أتصدقو ولا متصدقوش أول ما جى للحوش أعطى لخوها مفتاح سيارة ومش لازم شنى نوعها وباش أنقوللكم كم سعرها ميقلش عن 30000 ألف دينار .
وهدا من غير سواق يقضى حاجات الحوش .
و ...... و......... و......... و........... و........ ألخ.

يعنى حيعيشو فى نعيم ملهش اول ولا أخر .

أتوقعو شنى كانت ردت فعل البنت ...؟

أنى موافقه .
لكن زعما شنى كانت ردت الولد حبيبها ...؟ القديم...؟
أنصدم لما أسمع الخبر هدا الخدمة وبطل منها ... فاتح محل ملابس نسائية وسكره .... أبدى حاشاكم أيهدرز بروحه فى الشارع ومعش يعطى أى أهمية لآى واحد.
ولما أيشوف ولد ماشى مع بنت يبدأ يبكى بكاء ومرات يوصل لنواح والعياد بالله.


سؤالى :-

يابنات زعما على خاطر الفلوس أتبيعو أنفسكم وأتبيعو الناس اللى حبتكم واللى أبنت مستقبلها وحبت الدنيا على خاطركم....؟



لاحول ولا قوة الا بالله .


ياريت أتجاوبونى بكل صرحاة هل المادة هيا كل شى فى نظر المرأة هل المادة هى العامل الأساسى للزوج...؟



للعلم عرس البنت الصيف هدا ((( ألله أكبر ))).

سلام